Вести Македонија Топ вести

Вработените во ЈСП почнаа штрајк па се пишманија, имало плата

Најавија штрајк, па се повлекоа. По двочасовен прекин на работата, вработените во ЈСП се вратија да возат по скопските улици. Вознемирени граѓани, полни улици со автомобили, гужви на семафорите и нервозни возачи ..ваква беше сликата утрово.

Иако вчера надлежните соопштија дека вработените ќе ја добијат јануарската плата тие не се предомислија па смената ја започнаа подоцна. Метрополата не може да функционира без јавен градски превоз велат граѓаните.

„Сега извадив слободна 1500 денари, за една недела ќе треба повторно превоз немам.Кој ? Од народот? До кога вака? Не знам ова се страшни работи “, вели граѓанка.

„Сега додека почнаа од гаража да излегуваат, доцнат можеби 15-20 минути, инаку имаше и сабалје автобуси ако не градски приватен имаше“, вели граѓанка.

„Колку и да чекам нема крај. Пишува дека за една минута треба да дојде 24-ка,но нигде ја нема. Еве гледате народот на работа оди, но изгледа тука на автобуска ќе му биде работното место “,вели граѓанин.

Платите на вработените не доцнат и се исплаќаат редовно во тековниот месец тврдат од ЈСП .

„Платите во ЈСП Скопје се на одобрување со доставени пресметки од овој месец со дополнителни работни часови, ноќна и прекувремена работа. Веруваме дека повторно постои политичка тенденција да се создаде вештачка криза таму каде што не постои“,велат од ЈСП.

Ова е втор пат вработените во ЈСП „Скопје“ да се одлучат на штрајк. Пред само еден месец со паркирани возила и возачи пред градското собрание ја бараа декемвриската плата. По долга и жестока дебата и две неуспешни вонредни седници советниците изгласаа 11 милиони евра субвенции од Град Скопје, кои според градоначалничката Данела Арсовска, пари доволни за вработените во ЈСП да имаат редовна плата цела година. Но, еден месец подоцна ЈСП повторно има проблем со платите односно не се исплаќаат во законски предвидениот рок до 15-ти во месецот и затоа вчера синдикатот најави дека автобусите нема да возат. Но за разлика од претходниот штрајк кога вработените во ЈСП добија поддршка од нивните колеги, денеска приватните превозници беа на работа.

Симона Петровска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Остра реакција на Мицкоски за извештајот во Европскиот парламент

Дејан Дејан

(ВИДЕО) Нов пожар во близина на Скопје, гори кај Смилковци- очевидец пријавил на полиција дека видел како е подметнат

Дејан Дејан

Тошковски за пожарите: Се разгледуваат сите опции и сценарио кое би можело да има друга позадина

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе