Во зависност од тоа колку ќе трае штрајкот на вработените во Фондот за здравстено осигурување (ФЗО), толку побрзо ќе се јават проблеми во препишување на рецепти, во продолжување на боледувања, како и во исплата на капитациите за матичните лекари и стоматолози.
Вработените во ФЗО бараат платата да остане на ниво на веќе исплатената декемвриска плата, а од утре за граѓаните на шалтерите ќе има само по еден вработен за итни потреби. Министерот Меџити веќе на следната седница на Влада во вторник најави дека ќе го отвори ова прашање.
Иако е непопуларна мерка, веќе е донесена одлука за штрајк, вели претседателот на Сојузот на синдикатите на Македонија, Слободан Трендафилов во неделното интервју на Радио Слободна Европа. Работниците ќе протестираат и ако поминат низата закони со кои власта сака да ги намали платите, додава тој.