(Фотографии од ФБ профил на Сашко Митовски, градоначалник на Крива Паланка)
Младиот Игор Младеновски од Крива Паланка има дијагностицирано Даунов синдром и живее со самохрана мајка. Една од желбите на Игор му беше да има телевизор и заедно со мајката Рушка да може да гледаат телевизија.
Желбата му ја исполни неговиот сограѓанин Наум Поцев кој на Водици, на традиционалното скокање по крстот, во студената Крива Река го фати крстот. Поцев како награда од општината доби телевизор, но, несебично одлучи да му ја исполни желбата на Игор.
Наум Поцев го донираше телевизорот на Игор кој со прегратка му врати.
Информацијата ја сподели градоначалникот на Крива Паланка, Сашко Митовски преку пост на Фејсбук:
-Во скромниот дом немаше телевизор иако сака да гледа. Заедно со Наум Поцев, кој годинава го извлече Богојавленскиот свет крст од Крива Река, ги посетивме нашиот сограѓанин Игор Младеновски, лице со Даунов синдром и неговата самохрана мајка Рушка, каде Поцев го донираше телевизорот, наградата доделена од страна на општината.
🫶Грижа за заедницата и хуманите дела нека бидат наша одлика.
