На последната предновогодишна седница, Антикорупциската комисија во иницијативата за кривично гонење за набавките на мазутот за ТЕЦ Неготино од фирмата РКМ, покрај екс директорот Васко Ковачевски го посочила и министерот за економија Крешник Бектеши.
Антикорупциската комисија тврди дека со злоупотреби на државните функционери е овозможен профит на РКМ, ОКТА и грчки Хеленик Енерџи Холдингс „преку уцена, измама, злоупотреба на јавен повик и со прекршување на меѓународен договор, на штета на интересот на РС Македонија.“
КОД по чии емисии почна постапката во ДКСК го контактираше и министерот Бектеши за овие сериозни обвинувања, за кои тој првпат слушна во телефонски разговор за време на подготвувањето на емисијата.
Кои се сомнежите на ДКСК и дали надлежните институции реагирале во вечерашната емсиија на КОД.
Во емисијата и истражување за обидот за испумпување на пари од УЈП преку поврат на ДДВ.
Во КОД и интересен случај кога општина Тетово за еден ден променила ДУП и се поставила во борбата за парцела меѓу приватен сопственик и државна болница.
Емисијата КОД е во редовниот термин вечерва (недела, 21.01.2024.) во 19:15, по Вечерните вести на Телма.