Наредната недела ќе биде објавен извештајот од стручната Комисија, којa ја формираше министерот за здравство, Фатмир Меџити за случајот со 26 годишната родилка од Делчево која почина на 26 декември на КАРИЛ, а беше донесена во лоша здравствена состојба од штипската Клиничка болница.
Стручната комисија е формирана и за кратко време ќе излеземе со извештај од стручната комисија. Идната недела ќе биде извештајот и ќе се расчисти и тој случај како што се расчистиле сите случаи во стравството досега откога јас го водам Министерството за здравство, рече меџити.
Инспекторите на ДСЗИ констатираа дека на пациентката во 39 недела од бременоста, матичниот лекар на 22 декември и креирал упат за следење на нормална бременост до породување.
Четири дена подоцна се јавила на преглед во приемната акушерска амбулантна во Клиничка болница-Штип и е утврдено намалување на плодовата течност. При сместувањето колабирала, по што веднаш и извршен итен царски рез.
По породувањето продолжена е интервенција во стомакот, констатирано е дека обилното крварање потекнува од крвен сад во близина на слезената. Запаѓа во шокова состојба, па повторно хируршки е интервенирано со отстранување на слезената.
Конзилумот одлучува родилката да се хоспитализира на КАРИЛ во Скопје, каде и почина.
Новороденчето на починатата 26 годишна родилка е во добра здравствена состојба, и од пред два дена е дома.
Викторија Димитрова Јованова