(фото илустрација)
Од СВР Охрид известија дека против 30-годишен кичевчанец е поднесена кривична пријава за убиство на неговото двегодишно дете. Судот му определил притвор кој се спроведува во битолскиот затвор.
Таткото ја претепал ќерката на 18-ти декември, но и покрај напорите на лекарите во кичевската болница и на скопските клиники, децојчето почина пред 4 дена.
Целото соопштение на СВР Охрид:
-ОВР Кичево поднесе кривична пријава против Ф.Д.( 30) од Кичево, поради постоење основи на сомнение за сторено кривично дело „убиство“. Тој, на 18.12.2023 година околу 21 часот во неговата семејна куќа во Кичево, при вршење на семејно насилство, со физичка сила и нанел тешки телесни повреди на неговата двегодишна ќерка, која била пренесена за укажување лекарска помош во Општата болница во Кичево, а потоа во Клиничкиот центар „Мајка Тереза“ во Скопје каде, на 08.01.2024 починала. Судија на претходна постапка при ОС Кичево, на Ф.Д. му одреди мерка притвор од 30 дена по што е спроведен во Казнено поправната установа „Затвор-Битола, соопшти полицијата.