Неколку десетици илјади се собраа во Истанбул за да го одбележат почетокот на новата 2024 со марш за Газа и за да го осудат терористичкиот напад од пред неколку недели, во кој загинаа повеќе од 10 турски војници во северен Ирак. Демонстрантите маршираа, извикуваа слогани, држеа транспаренти и вееја палестински знамиња. Настанот го организира Турската младинска фондација и членовите на Националната платформа за волја, која се состои од 308 невладини организации. По нападот на Хамас на 7 октомври, Израел почна со воздушни и копнени напади врз појасот Газа, при што загинале над 21 илјада Палестинци, а ранети се 56 илјади. Според израелските власти, во нападите на Хамас загинале околу илјада и 200 Израелци.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.