Албанскиот опозициски блок се засилува со косовската политичка партија Самоопределување на премиерот Албин Курти. Алтернатива, Беса и Демократското движење најавија дека на наредните избори во нивната коалиција ќе се вклучи Самоопределување со која што ќе се води заедничка кампања и заеднички изборни листи.
ОД ДЕНЕСКА ЕВРОПСКИОТ СОЈУЗ СЕ СОСТОИ ОД ЧЕТИРИ ПОЛИТИЧКИ ПАРТИИ. СЕГА ЗНАЧИ ВО ОВИЕ ЧЕТИРИ Е И САМООПРЕДЕЛУВАЊЕ, ПРОГРАМАТА ЈА РАБОТИМЕ ЗАЕДНО, КАМПАЊАТА ЌЕ БИДЕ ЗАЕДНИЧКА И ЌЕ БИДАТ ДЕЛ ПАРЛАМЕНТАРНИТЕ ЛИСТИ, ЗНАЧИ ЌЕ ИМА ЧЛЕНОВИ И ПРЕТСТАВНИЦИ ОД САМООПРЕДЕЛУВАЊЕ, ПРЕТСЕДАТЕЛОТ НА ДЕМОКРАТСКО ДВИЖЕЊЕ, ИЗЕТ МЕЏИТИ.
По реакциите во јавноста, Меџити за Телма дообјаснува дека станува збор за поддршка, бидејќи Самоопределување не е регистрирана партија во земјава.
На денешното отворање на новата канцеларија на албанската коалиција бил присутен Беким Ќоку, кој е национален советник за Македонија во партијата Самоопределување. Луѓето во Македонија кои се симпатизери и приврзаници на Самоопределување ќе бидат предложени од Беким Ќоку да се најдат на коалициската листа на албанскиот опозициски блок.
За Ќоку, Самоопределување и помага на албанската опозиција за да се донесат промени со цел да исчезнат коруптивните политики и да се елиминира дискриминацијата на Албанците. Тој ги повика и другите политички партии, невладиниот сектор, но и Алијанса за Албанците да и се придружи на овие промени.
Со Самоопределување како партнер, оваа коалиција од партиски сојуз се претвора во, сенароден сојуз, потврдија и од Алтернатива и Беса.
Алиса Шутиноска