Активистите против аерозагадувањето во Струмица најавуваат заострување на своите активности и посилен притисок врз надлежните институции. Револтирани од штетниот воздух најавуваат герила акции и објaвување на загадувачите на социјалните мрежи. Велат дека мора да се алармира јавноста и да се поттикнат граѓаните да ги евидентираат загадувачите. Од институциите бараат пак, повеќе инспектори, но и инвестирања во мерни инструменти.
Градоначалникот Костадинов потенцира дека најголемото загадување е во утринските и вечерните часови, за што се правеле контроли токму во тој период. Тој се согласува дека загадувањето доаѓа од индустријата, но и од домаќинствата а инспекциските служби биле на терен во две смени.
Владата донесе препораки и мерки против загадувањето во Струмица и Кичево каде два дена едноподруго е надмината вредноста од 150 микрограми пм 10 честички на метар кубен воздух. Дел од препораките се граѓаните да работат на отворено во периодот од 11-17 часот, да се ослободат од работа бремените жени, лицата со хронична астма и преживеан инфаркт или мозочни удари, но и намалена употреба на служебени возила на државните институции, ограничување на градежните активности и друго.
Освен Струмица и Кичево во групата најзагадени градови се и Тетово и Скопје.
Сузана Мицева