Еуромакс се обврзува дека нема да користи цијанид во процесот на екстракција на руда и ќе направи суво јаловиште доколку е потребно но државата мора да одговори на нивното барање и да ги спои двете концесии за рудникот „Иловица“. Оттаму велат дека доколку се поведе арбитражен спор би тежел над една милијарда евра и доколку компанијата сакала досега можела да го стори тоа.
Суво одлагалиште и процес без употреба на цијанид во замена за спојување на концесиите. Ова е последната понуда на „Еуромакс“ до Владата проследена со барање за спојување на концесиите за рудникот „Иловица“. Од компанијата соопштија дека вчера е испратено писмо до министерството за животна средина во кое се наведени и објаснети постапките и процедурите на кои сега се обврзува компанијата а на барање на локалното население и надлежните. Покрај забраната за употреба на цијанид, ќе се користи и методот на суво одлагалиште на јаловина, Еуромкас се обврзува да направи водовод од Турија до Иловица за да нема рестрикции со вода за локалното население
Од „Еуромакс“ велат дека најголемите акционери се од Швајцарија и дека меѓу двете држави има билатерален договор за заштита на правата на инвеститорите и основа за отпочнување на арбитражна постапка. Првото барање да се најде решение за спорот е доставено до Владата во март 2020 година а од компанијата велат дека доколку сакале досега можеле да го поведат спорот.
Владата на 26 јули годинава ја поништи одлуката за спојување на двете концесии која ја донесе дваесет дена претходно.
Огнен Чанчаревиќ