Вакцината против сите видови на канцер ќе биде достапна на пазарот за година до две, но доколку нема политички, државни и фармацветски опструкции вели во интервјуто за МИА, научникот и професор на штипскиот Факултет за медицински науки, Рубин Гулабоски, кој е меѓу топ два проценти највлијателните научници во светот според Стендфорд листата.
На оваа вакцина работат турски иселеници научници кои беа вклучени во дизајнирањето на вакцината Фајзер, а откако Германија го забрани испитувањето со глувци, сега се во Англија.
Гулабоски кој работи на полето на електрохемијата, забележува дека научниците врз основа на истражувањат, но и геополитичките случувања предвидуваат дека во наредниот период светот ќе се соочи неколку проблеми, а на врвот на листата се сајбер безбедноста, криптовалутите и енергетските проблеми.
Забележува дека светските сили инвестираат во наука, само една лабараторија на германскиот Универзитет Гетинген, кој има најголем број на најпознати Нобеловци по глава на студент, а каде што и тој е истражувач има десет до 15 пати повеќе пари, отколку македонскиот фонд за наука.
Според регистерот на македонските научници кои се надвор од државата, но и проценка на Гулабоски е дека на странските институти и Универзитети работат над 7.000 македонски научници, истражувачи, професори, за кои Гулабоски вели дека се вистински патриоти, бидејќи им помагаат на своите колеги во земјава преку опрема и проекти.
Во интервјуто за МИА вели дека меѓу топ професиите и понатаму ќе бидат ИТ секторот, медицината, а се очекува светот да има сериозен проблем поради недостаток на инжињерски кадар.
Викторија Димитрова Јованова