Собранието нема да расправа за амнестија. Мнозинството пратеници го отфрлија предлог-законот што го поднесе Министерството за правда. Потребата од ваков закон ја поддржаа само 15 пратеници, 66 беа против а тројца гласаа воздржано. Министерот за правда Кренар Лога побара поддршка со образложение дека затворите се пренатрупани со затвореници кои отслужуваат казна во нехумани услови. И покрај поддршката на владина седница, СДСМ одлучи да не го поддржи законот и воопшто да не се обидува да го подобри со амандмани. Предлог-законот воопшто не е ставен на дневен ред.