Вести Македонија

Ковачевски ја повика опозициската ВМРО ДПМНЕ да делегира свој претставник во работната група за изборите

Премиерот Ковачевски ја повика опозициската ВМРО ДПМНЕ да делегира свој претставник во работната група која функционира во Министерството за правда.

Таму се разговара за измените на Изборниот законик и препораките на ОБСЕ, а може да се разговара и за тајмингот на претстојните избори. Ковачевски смета дека секој друг формат на договарање би бил вон-институционален.

Деновиве, ВМРО ДПМНЕ предупредува дека е неопходно партиите да седнат и да се договорат за заеднички термин за претседателски и парламентарни избори. Спикерот Талат Џафери на вчерашниот брифинг ги потсети партиите дека терминот за редовни претседателски избори треба да се договори до Нова Година, а треба да се движи меѓу 14 март и 25 април.

За редовни парламентарни избори, термините се движат од 5 мај до 15 јули. Џафери потсетува дека секој термин пред тоа ќе значи предвремени избори и поинаква предизборна динамика.

Соња Николовска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Пожари во Чучер Сандево, Прилеп, Македонски брод, Дојран, Крива Палнка и Чашка

Дејан Дејан

Зачуван статусот на Охридското Езеро како светско природно и културно наследство

Дејан Дејан

По пожарите: Полицајци, пожарникари и возач на итна медицинска помош биле хоспитализирани на Токсикологија

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе