Со симулација на прва помош при итна ситуација – земјотрес, Црвениот крст денеска кај Градски Парк во Скопје ја одржа вежбата „Хуманитарен одговор 2023“. Целта на вежбата беше да се претстават капацитетите, можностите и подготвеноста на Црвениот крст на Северна Македонија.
„Ова вежба ги покажа сите позитивни страни од партнерството меѓу државните институции и граѓанските организации, како и интерсекторската поврзаност и меѓуинституционалната соработка“, истакна претседателот Пендаровси, кој е покровител на настанот.
Генералниот секретар на Црвен крст на Република Македонија, Саит Саити, посочи дека кризите и катастрофите кои се дел од нашето секојдневие, наложуваат постојана инвестиција во градење на одржливи капацитети за подготвеност.
Во вежбата беа вклучени 400 учесници, два хеликоптера, 40 возила на Црвениот крст, како и тимови на полицијата и пожарната.
