Чеитир пожари се сè уште активни од вкупно 23-те колку што ги имаше на отворено во текот на вчерашниот ден во земјава, соопштија од Центарот за управување со кризи (ЦУК).
„Во Општина Македонски Брод, во атарот на с. Белица, кај месноста „Аргулица“ (под Солунска Глава) гори ретка борова шума на карпест терен со длабоки провалии и, речиси, е невозможно за пристап на лица и за гаснење. Во Општина Велес, кај с. Нежилово близу месноста „Изворите на Бабуна“ гори букова шума, во Општина Долнени, меѓу селата Долгаец, Стровија и Црнилиште гори уредена шума и во Општина Штип кај с. Пухче ниска вегетација и шума“, информираат од ЦУК.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.