На поранешниот градоначалник на скопски Центар, Владимир Тодоровиќ му е укинат домашниот притвор, затоа што обвинителството смета дека не постои опасност од бегство, информираат за Телма, од обвинителството, од каде додаваат дека не е сопрена постапката во истрагата за случајот „Феникс“.
Тодоровиќ во јуни беше притворен за случајот како функционер осомничен дека ја злоупотребил службената положба и овластување за проектот за набавката на спомениците „Скопје 2014“.
Истрагата за него сѐ уште не е запрена, но, според најновите законски измени, до крајот на годинава истекува законскиот рок за кривично гонење на Тодоровиќ за ова кривично дело.
Осомничени во „Феникс“ осомничени се и екс премиерот Никола Груевски, поранешните министри Зоран Ставрески и Елизабета Канчевска Милевска и други лица.
