Тргнал од Скопје, но не стигнал во Охрид – се запали автобус пред Стража, нема повредени лица

Автобус, кој сообраќал на релација Скопје – Охрид, се запалил утрово на околу три колометри од превојот Стража. Во сообраќајната несреќа нема повредени патници, потврдија од Министерството за внатрешни работи (МВР).

„Денеска, во 11:20 часот во СВР Тетово е пријавено дека на магистралниот пат Гостивар-Кичево, на околу три километри пред месноста „Стража“, настанал пожар во автобус кој се движел кон Кичево. На посоченото место веднаш се испратени полициски службеници од Одделението за внатрешни работи Гостивар и екипа од гостиварската Територијална противпожарна единица. Нема повредени лица“, наведуваат од МВР.