Новинарските истражувања и партиските обвинувања за зделката која партискиот донатор на ДУИ, Еуровиа, ја доби за преуредување на салата Борис Трајковски за министерскиот состанок на ОБСЕ, за министерот за надворешни работи и партиски потпретседател Бујар Османи спаѓаат во лов на вештерки.
Тој уверува дека тендерот поради ниската цена морал да заврши со победа на Еуровиа, партискиот донатор. Но ни два дена по информацијата на ТЕЛМА за два крупни законски прекршоци на тие донации од Еуровиа и Елмедин Адеми за ДУИ, Бујар Османи како дел од партијата не открива во Мала Речица ги прифатиле законски недозволените донации од фирма која во моментот имала тендери со државата и од лице кое дало 6 пати повеќе законскиот максимум за донација. Потпретседателот тврди дека не знаел за донацијата, ама иако не знаел поради нешто се исплашил од јавни реакции кога ја видел тендерската победа на Еуровиа.
Предлогот сега му е целосна забрана на партиски донатори да учествуваат на тендери.
Но тоа не е алиби за веќе претходно сторените прекршоци. За сличен прекршок, донации од фирма која има државни тендери, ВМРО-ДПМНЕ во предметот Талир беше првостепено осудена со одземање на нивното партиско седиште. Сега од белата палата обвинуваат за прекршување на истиот законски член и повикуваат на одговорност затоа што според нив „фирмите блиски до ДУИ секогаш обезбедуваат преференцијален третман на пазарот.“
Во законот за финансирање на политички партии, предвидени се прекршочни казни доколку не се пријават вакви дела, за донаторот се парични казни, додека за партијата која не ги вратила парите, казната е да нема прилив од буџетот една година. ДУИ во мај доби околу 680 илјади евра од буџетот кој го полнат граѓаните. Но, во законот не е јасно наведено кој треба да ги казни партиите за овие прекршоци.
Миомир Серафиновиќ