Новата учебна година го наследи стариот проблемот со учебниците. Две недели пред почетокот, нема учебници за сите предмети во сите одделенија од основното и средното образование. Се зголемува тензијата кај родителите и наставниот кадар.
Од независниот синдикат на образование и наука потсетуваат дека скриптите не се замена за вистинските учебници. Бараат решение од Министерството за образование.
„Времени решенија не се потребни, затоа што образованието е еден од главните столбови во секоја држава. Нашата држава постои над 30 години, се знае дека учебници мора да има, велиТомислав Гиевски, претседател на независниот синдикат за образование и наука .
Министерството должи одговори дали до први септември сите ученици ќе добијат учебници. По некои предмети не е завршена ниту постапката за избор на автор.
Минатата година многу учебници пристигнаа на крајот на првото полугодие, а некои дури на крајот од учебната година. Во некои од нив беа забележани и грешки. Во јавноста особено голем број реакции имаше за учебникот по Историја и општество во кој пишуваше дека Македонија на запад граничи со Бугарија, а на исток со Албанија. Од друга страна, Планинскиот врв Монт Еверест стана повисок за 20 илјади метри.
Тамара Марковска