Министерката за труд и социјална политика Јована Тренчевска ги ислушала барањата на пензионерите, а по дискусијата истакна дека пензионерите и унапредувањето на квалитетот на живот на највозрасната категорија на граѓани, е приоритет на оваа Влада.
За тоа потврдуваат фактите дека од доаѓањето на оваа Влада, прво што беше отворено е прашањето за порастот на пензиите и обезбедувањето на достоен живот за сите, се вели во официјлното соопштение.
„Минатата година низ транспарентен процес, заедно со Сојузот на пензионери и Партијата на пензионери, ја донесовме новата методологија која обезбедува усогласување со трошоците за живот и просечната плата. Тоа е најреалниот пораст на пензиите. Тоа е системско решение кое овозможува постојан раст на пензиите,“ потенцира Тренчевска.
Сите барања кои беа доставени до Министерството за труд и социјална политика ќе бидат разгледани и заедно во дијалог со Сојузот на пензионери ќе се креираат натамошните политики и мерки за пензионерите, со посебен акцент на оние со пониски пензии, а во насока на обезбедување на достоен живот за сите граѓани, се вели во дописот до медиумите.
