Руската ПВО собори дрон над Москва, привремено затворени аеродромите Внуково и Калуга

Руската противвоздушна одбрана собори дрон над Москва, изјави градоначалникот на Сергеј Собјанин. Тоа е причина за привремено затворање на меѓународниот аеродром Внуково. Исто така е затворен и аеродромот Калуга, на околу 200 километри југозападно од Москва

„Еден дрон се обиде да го прелета градот. Елиминиран е како резултат на работата на противвоздушната одбрана“, напиша Собјанин на Телеграм.

Тој додаде дека нема повредени или „сериозни оштетувања“ од остатоците кои паднаа врз насипот Карамишевскаја во западна Москва.

Собјанин не кажа дали дронот доаѓал од Украина. Но, руското Министерство за одбрана подоцна го обвини Киев за „обид за терористички напад врз објект во Москва“.