Македонските одбојкари ги продолжуваат подготовките за Европското првенство на кое сме ко-домаќини. Националниот тим во следните неколку денови ќе одигра три игра пријателски во салата „Јасмин“ во Кавадарци.
Избраниците на селекторот Јошко Миленковски по контролата со Романија и победата од 3-1 во неделата, денеска ќе се соочат со Израел во Кавадарци. Во петок противник ќе ни биде репрезентацијата на Јапонија, додека во недела ќе одиграме уште еднаш со Израел, а сите дуели ќе играме со почеток од 20 часот.
Подготвителниот период ќе продолжи со натпреварите на традиционалниот меморијален турнир Чајка од 18-ти до 20-ти август, на кој освен нашата репрезентација ќе настапат и селекциите на Грција и Египет.
Тоа воедно ќе биде и последната контрола на формата за Македонија пред почетокот на Европското првенство.
Прв противник на Македонија на континенатниот турнир во Скопје ќе биде Данска на 30 август, потоа на 2 септември играме со Црна Гора, ден подоцна со Полска, па следуваат и дуели со Холандија и Чешка на петти, односно шести септември.
