Несогласувањата околу политиките за азил ја собори холандската влада предводена од премиерот Марк Руте, кој поднесе оставка. Четирите коалициски партии не успеаа да се договорат и да излезат со единствен став за миграцијата.
Конзервативната партија ВВД на Руте се обидуваше да го ограничи бројот на баратели на азил, откако минатата година имаше кавги околу преполните мигрантски центри. Но, неговите партнери од владата се спротивставија на неговите планови.
Барањата за азил во Холандија се зголемиле за една третина и само лани имало 47.000 поднесени апликации, а оваа година се очекуваат 70.000. Премиерот Руте се обиде да спроведе план да го ограничи бројот на роднини на бегалци од војна на кои ќе им биде дозволено да останат во Холандија на 200 неделно, но коалициските партнери меѓу кои и Христијанската Унија силно се спротиставија.
Руте, кој е најдолговечниот премиер на Холандија, е на власт од 2010-та година, поднесе оставка, а новите избори најверојатно ќе се одржат во ноември.
