Полицискиот инспекторат на Косово, во координација со Министерството за внатрешни работи во Приштина, формираше заеднички тим кој треба да ги оцени постапките на полицијата при вчерашните инциденти пред општинските згради во Зубин Поток, Звечан и Лепосваиќ.
Косовските власти велат дека целта е да се осигура дека косовската полиција ги извршува своите должности во согласност со уставните и законските стандарди и овластувања, со цел да се создаде безбедна средина за граѓаните без разлика.
Исто така, тој тим има намера да утврди дали при оваа акција биле пречекорени полициските овластувања. Мисијата на КФОР ги осуди „сите еднострани дејствија што ризикуваат понатамошна ескалација на тензиите“ во Косово.
Во нивното соопштение се додава дека тие „внимателно“ ја следат ситуацијата на терен.
