Се прават последните подготовки за вториот круг на претседателски избори во Турција. На гласачките ливчиња се две спротивни визии за иднината на земјата. Гласачите ќе решаваат меѓу авторитарниот актуелен претседател, Реџеп Таип Ердоган и неговиот предизвикувач, Кемал Киличдароглу, кој уверува дека ќе ја врати демократијата во земјата.
Ердоган е во благо водство во вториот круг, откако третопласираниот кандидат националистот, Синан Оган ги повика своите гласачи да го поддржат актуелниот претседател. Но, поддршка на Киличдароглу дава партијата Зафир, која освои два и пол насто од гласовите.
Според аналитичарите, главниот предизвик за кандидатите е да ги привлечат осум милиони гласачи кои одбија да излезат на гласање во првиот круг.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.