Денвер поведе со 2-0 против Лос Анџелес лејкерс во финалната плеј-оф серија во Западната конференција во НБА-лигата. Џамал Мареј беше херој на домашните во последниот период.
Нагетс славеа со 108-103 и максимално го искористија домашниот паркет. Мареј постигна 23 поени во последната четвртина од своите вкупно 37 за да ги однесе домашните до триумфот. Никола Јокиќ стигна до седмиот трипл-дабл во плеј-офот сезонава со 23 поени, 17 скока и 12 асистенции. Во таборот на Лејкерс, Леброн Џејмс имаше 22 поени, 10 асистенции и девет скока, Остин Ривс исто така имаше 22 поени, а Ентони Дејвис финишираше со 18 поени 14 скока.
Следните два натпревари се играат во Лос Анџелес, а првиот е закажан за во недела рано наутро во 2:30 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.