Ноќеска на полноќ, речиси сè, ќе запре во Германија. Возовите нема да сообраќаат, авионите ќе бидат приземјени, а од аеродромите ќе работи само берлинскиот. Според најавите, ќе запре и градскиот превоз во седум од 16-те покраини.
Причина е предупредувачкот штрајк на кој повикаа два важни синдиката во земјата – Синдикатот на железничари и вработени во сообраќајот и Синдикатот на услужни дејности. Нивните барања се поголеми плати, со оглед на поскапувањата, како и подобри работни услови за околу 2,7 милиони вработени во јавниот сектор и сообраќајните дејности.
Синдикатот на услужни дејности, за јавните службеници по чии плати се нивелираат примањата на голем број на вработени на аеродромите или во градскиот превоз, бара зголемување за 10,5 отсто, но најмалото зголемување на биде 500 евра месечно бруто. Од таму ја одбија понудата на работодавачите за 5 отсто зголемување во два чекора и за едноркатна исплата по 2.500 по вработен.
Слична понуда испратија и од Германски железници до ЕВГ и уште 15 железнички претпријатија, но предлогот беше одбиен, со барање за 12,5 зголемување на платите, а најмалото да изнесува 650 евра месечно бруто.
