Русија денеска префрли 10 авиони во Белорусија кои се способни да носат тактичко нуклеарно оружје, објави агенцијата ТАСС.
Рускиот претседател Владимир Путин најави дека поставувањето на нуклеарно оружје во Белорусија нема да ги наруши договорите за неширење на нуклеарно оружје.
Путин претходно се осврна и на најавата на Велика Британија дека ќе испорача гранати со осиромашен ураниум на Украина, истакнувајќи дека Русија ќе биде принудена да реагира.
„Во врска со тоа, сакам да нагласам дека, доколку се случи тоа, тогаш Русија ќе биде принудена да реагира. Мислам на фактот дека колективниот Запад веќе почнува да користи оружје со нуклеарна компонента“, порача Путин.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.