Државната посета на кралот Чарлс Трети на Франција е одложена на барање на претседателот Емануел Макрон, соопшти Даунинг стрит.
Од Елисејската палата соопштија дека одлуката е донесена поради нередите на улиците во Франција кои траат веќе 10 дена, објави „Би-Би-Си њуз“.
Патувањето на Чарлс Трети во Париз требаше да почне во недела, но одлучено е до тоа да не дојде по синоќешната ескалација на протестите.
Информацијата ја потврди и Бакингемската палата во чие соопштение се наведува дека до „одлагање дошло поради ситуацијата во Франција“.
Владата на Велика Британија додаде дека одлуката е донесена во согласност со сите страни.
Демонстрантите синоќа ја запалија зградата на градското Собрание во Бордо. Изгоре влезот во градската Куќа во градот на францускиот југозапад по целодневните судири меѓу демонстрантите и полицијата.