Тројца полицајци се повредени во пукање во Лос Анџелес, додека напаѓачот, според медиумите во САД, е ликвидиран. Полициските службеници, во време на инцидентот, вршеле увид во квартот Линколн Хајтс, кога осомничениот, поради кого излегле на терен, отворил оган врз нив.
Ранетите полицајци се итно хоспитализирани, а напаѓачот подоцна бил лоциран од нивни колеги и убиен.
„Болничките извештаи покажуваат дека тројцата ранети полицајци се наоѓаат во стабилна состојба“, твитна шефот на полицијата на Лос Анџелес, Мичел Мур.
Според „Си-Би-Ес Њуз Лос Анџелес“, еден од полицајците е погоден во пределот на стомакот, а другите двајца имаат прострелни рани на екстремитетите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.