„Супер Биготе“ односно на македонски „Супер-мустак“ е нов супер херој којшто името го добил по црните густи мустаки. Но ликот на овој супер-херој од Венецуела е познатиот на долгогодишниот автократ Николас Мадуро.
Играчки со ваков лик се дел од празничните пакетчиња кои автократската социјалистичка власт во Венецуела на Мадуро ги дели на сиромашните деца.
И додека некои поддржувачи го фалат Мадуро за постапката и подароците, други жители на Венецуела сметаат дека на овој начин со тоа што подарува играчки со сопствен лик на сиромашни деца само се врши иницијација на децата во култот на личноста на Мадуро.
Најголемата критика за Мадуро е што куклите со неговиот супер херој се увезени од Кина (13 милиони играчки) и се делат на деца кои живеат во места каде нема ниту водовод ниту добри училишта.
-Парите можеа да се потрошат за нови училишта и патеки за децата безбедно да одат во училиште, истакна Белкис Боливар, лидер на најголемиот синдикат на наставници во Венецуела.
Супер Биготе односно „Супер мустакот“ е херој кој се бори против американската империја- стои во објаснување на истоимената анимирана серија. Во битката му помага и блондинка супер хероина Чилита.