Се воведуваат нови кривични дела: родово базирано насилство, фемицид, полово вознемирување, а нападот на новинар или друг медиумски работник ќе се смета за напад на службено лице, за што е предвиден затвор до 10 години. Ова е дел од измените на Кривичниот законик, кои во Комисијата за европски прашања добија 8 амандмани – усогласени и изгласани од сите пратеници и прифатени од Министерството за правда.
Се воведуваат нови кривични дела: родово базирано насилство, фемицид, полово вознемирување, а нападот на новинар или друг медиумски работник ќе се смета за напад на службено лице, за што е предвиден затвор до 10 години. Ова е дел од измените на Кривичниот законик, кои во Комисијата за европски прашања добија 8 амандмани – усогласени и изгласани од сите пратеници и прифатени од Министерството за правда.
Фемицидот, насилството против жените и девојчињата, половото вознемирување, силувањето од интимниот партнер, барањето сексуални услуги од носители на функции и други дела кои ја имаат како основа родовата припадност на жртвата, ќе бидат осудувани парично или со казна затвор од неколку години. Измените на Кривичниот законик беа договорени меѓу пратеничките од сите партии.
Пратеничките укажаа дека 78 одсто од анкетираните препознаваат посебен вид корупција во јавниот сектор, односно изнуда на сексуални услуги во замена за услуга за која насилникот е овластен.
И убиството или нападот на новинар или на друг медиумски работник ќе се смета за насилство врз лице што професионално врши работа од јавен интерес. Казната е 10 години или доживотен затвор. Министерот Никола Тупанчевски ги прифати сите 6 амандмани на пратеничките и двата од Комисијата за европски прашања, кои едногласно станаа дел од предложените измени на Кривичниот законик.
Соња Николовска