Италијанецот, Франческо Бањаја го освои првото место на Големата награда на Австрија. Тој со денешната победа влезе во историјата на тимот на Дукати како втор мотоциклист кој успеал да забележи три последователни триумфи и му се приклучи на легендарниот Кејси Стонер кој подвигот го забележа во 2007 и 2008 година.
Бањаја на целта мина со скоро половина секунда предност во однос на Фабио Куартараро додека трет беше неговиот тимски колега Џек Милер.
Во генералниот пласман на чело и натаму е Куартараро со 200 бода, 32 повеќе од Алеиш Еспаргаро, а трет е денешниот победник Бањаја со 156.
Светскиот шампионат во Мото ГП продолжува за две недели со трката за Големата награда на Сан Марино што ќе се вози на патеката Мизано.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.