Најдобрата македонска тенисерка Лина Ѓорчевска продолжува со одличните настапи на тениските турнири.
Таа се пласираше во финалето на ИТФ турнирот во чешкиот град Оломуц откако во полуфиналето по голема борба во меч што траеше 2 часа и 13 минути со 2:1 по сетови 6:2, 3:6 и 6:3 славеше над Дарија Астакова.
Ѓорчевска која на турнирот е поставена како 12-та носителка во финалето ќе се соочи со третата фаворитка Сара Бејлек од Чешка која триумфираше со 6:3 и 6:2 во дуелот против Сада Нахимана од Бурунди.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.