Американскиот претседател Џо Бајден вчера за прв пат изјави дека рускиот претседател Владимир Путин извршил „геноцид“ во Украина, додавајќи дека конечната одлука ќе ја донесат адвокатите на меѓународно ниво.
Бајден го употреби терминот „геноцид“ во говорот во фабрика за етанол во државата Ајова, а подоцна се задржа на тие квалификации додека се подготвуваше да се качи во авионот.
„Да, го нареков геноцид затоа што станува се појасно и појасно дека Путин се обидува да ја избрише идејата дека воопшто е можно да се биде Украинец. Има се повеќе и повеќе докази. Но, ние ќе ги оставиме адвокатите на меѓународно ниво да одлучат дали ќе го квалификуваат тоа начин или не, тој го прави тоа“, им рече Бајден на новинарите.
Претходно американскиот претседател масакрот во украинскиот град Буча го нарече „воено злосторство“.
Во Ајова, Бајден коментираше за зголемувањето на цените на горивото и зголемувањето на инфлацијата, која е на највисоко ниво во САД во последните четири децении. Тој рече дека високата инфлација во неговата земја е предизвикана од војната што Русија ја води против Украина и посочи дека американскиот Конгрес работи на нејзино намалување.
Тој исто така рече дека САД ќе продаваат по еден милион барели нафта дневно од стратешките резерви за да ги намалат цените на горивата ширум светот, а слични чекори преземаат и други земји.
„Вашиот семеен буџет, способноста да се наполни резервоар за автомобил не треба да зависи од тоа дали еден диктатор од другата страна на светот ќе објави војна и ќе изврши геноцид“, рече Бајден.