До 18 часот излезноста на изборите во Србија е 50,82 отсто, од запишани 6.502.307 гласачи, соопшти на прес-конференцијата на Републичката изборна комисија.
Излезноста во белградскиот регион е 48,05 отсто, во Војводина 53,29 отсто, во регионот на Шумадија и западна Србија 52,01 отсто и во регионот на јужна и источна Србија 50,75 отсто, изјави директорот на Републичкиот завод за статистика Миладин Ковачевиќ.
Директорот на Републичката изборна комисија, Владимир Димитријевиќ изјави дека поради спојувањето на претседателските, парламентарните и локалните избори во Белград и 13 други единици на локалната самоуправа, создадени се големи редици, но дека сите гласачи кои ќе се најдат на гласачкото место ќе можат да гласајте по 20 часот, така што претседателот или потпретседателот на комисијата за избирачко место ќе застане зад последниот гласач што стои во редот на гласачкото место во 20 часот.
„Сите кои ќе се најдат на гласачкото место по 20 часот ќе можат да гласаат“, рече Димитријевиќ.
