Британскиот вицепремиер Доминик Рааб утринава гостуваше на Скај њуз и го коментираше договорот од преговорите според кој Русите треба да ги намалат воените активности околу Киев и Чернихив.
„Руската воена машинерија ја судиме според нејзините постапки, а не само зборовите. Очигледно постои скептицизам дека таа ќе се прегрупира, повторно ќе нападне, наместо сериозно да се вклучи во дипломатијата или слично. Се разбира, вратата на дипломатијата секогаш ќе биде отворена. Но мислам дека не можете да верувате што излегува од устата на воената машина на Путин“, рече Рааб.
„Кога станува збор за Русија, мораме да бидеме подготвени за цела низа различни можности. Го имате фактот дека ангажираат платеници, го имате фактот дека се занимаваат со сајбер напади, го имате фактот дека се занимаваат со труење, тоа го видовме во минатото. Целиот опсег на можности доаѓа со Русија и затоа е толку неконвенционален противник“, додаде тој.
„Бев многу јасен за време на разговорот со министерот за надворешни работи. Го поддржуваме Меѓународниот кривичен суд кој ги разгледува наводите и извештаите за воени злосторства во Украина. Обединетото Кралство понуди поддршка, ние понудивме финансиска и техничка поддршка на Обвинителството на Меѓународниот кривичен суд“, рече Рааб, додавајќи, меѓу другото, дека е многу тешко да се најдат докази за тоа кој извршил воени злосторства за време на војната. Можам да кажам многу. Сега мораме да направиме сè прво за да ги зачуваме доказите“, рече Рааб.
