Синоќа се слушнале неколку експлозии во село во близина на рускиот град Белгород на границата со Украина. Експлозиите се случиле во привремен руски воен камп, а нивната причина се уште е нејасна.
Локалните руски медиуми ја пренесуваат изјавата на гувернерот на Белгородската област, Вјачеслав Гладков. Тој вели дека експлозии се слушнале во Белгород и во регионот на Белгород. Инцидентот се случил во селото Красни Октјабр.
#ukrainebreakingnews
A massive explosion in #Belgorod, west of #Russia, near the Ukrainian border in #Kharkiv.#Kiev #Kyiv #Russia #Ukraine #UkraineRussiaWar #RussianUkrainianWar
Our Telegram: https://t.co/WXsUcPxtNi pic.twitter.com/pYalJuS2xg— Ukraine Breaking News (@Ukrbreakingnews) March 29, 2022
Според локалните власти, во селото нема жртви, нема повредени или материјална штета. Тој не зборуваше за причините за експлозијата. Гладков вети дека ќе ги објави подоцна.
Руските медиуми пренесуваат и изјави на очевидци дека на местото пристигнале противпожарни возила.
Руската агенција ТАСС наведува дека според првите податоци причина за експлозијата била ракета која најверојатно била истрелана од украинска страна. ТАСС пишува и дека во експлозијата се повредени четири лица.
Руската државна новинска агенција РИА Новости јавува дека причина за експлозијата во рускиот воен камп е човечки фактор.
Локалните медиуми пишуваат дека причината се уште не е позната, а руската служба за итни случаи врши увид во областа. Нема официјални информации, а руската влада се уште не објавила за експлозијата.
Експлозијата се случила во близина на селото Красни Октјабр, на 30 километри од границата со Украина. Селото се наоѓа во близина на Белгород, град со нешто повеќе од 400.000 жители, кој е оддалечен околу 80 километри од Харков.