Битолското обвинителство отвори истрага и побара притвор за 62-годишниот Битолчанец, кој вчера, со пиштол, го уби поранешниот зет за ќерка, кога тој вооружен со долг нож, насилно упадна во неговиот дом.
Според обвинителството, осомничениот извршил убиство со умисла, откако сега починатиот, ја скршил влезната врата, и влегол во куќата на неговиот тест, кој го пречекал во претсобјето и смртно го застрелал со пиштол што го поседувал со дозвола.
По увидот, јавниот обвинител издаде наредба за обдукција на телото на починатиот и прибирање докази од местото на убиството а исто така, обезбедени се снимки од видео-надзор на објектот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.