Трет златен медал, а вкупно четврти во Пекинг освои и Холанѓанката, Ирене Шутен, која триумфираше во брзо лизгање. Таа ја потврди доманицјата на Холанѓаните во овој спорт и за нив ова беше вкупно 12-ти медал од кој шест се златни. Со среброто се закити Ивани Блондин од Канада додека трета е Италијанката, Франческа Лолобриџида.
Во последната дисциплина во брзо лизгање на кратки патеки славеше Берт Свингс од Белгија кој пред четири години во Пјонгчанг беше сребрен. Втор низ целта мина Јае Вон Чунг од Јужна Кореа, а со бронзата се закити Американецот, Џо Мантија.
Нико Портеус му го донесе второто злато на Нов Зеланд на Игрите во Пекинг. Тој славеше во дисциплината half pipe и на крајот беше поуспешен од двојниот олимписки првак Дејвид Вајс од САД додека третото место му припадна на неговиот сонародник Алекс Фереира.
По седум европски злата, по една бронза и сребро на Олимписките игри, Швеѓаните конечно успеаа да стигнат до златниот медал во карлинг. Тие во финалето во возбудлива завршница успеаа да ја совладаат Велика Британија со 5:4. Бронзениот трофеј и припадна на Канада која беше поуспешна од селекцијата на САД.
