Фоњини го елиминираше Карењо Буста

Со елиминацијата на четвртиот носител, Фабио Фоњини го направи најголемото изненадување на тенискиот турнир во Рио де Жанеиро.

Фоњини место во четврт-финалето обезбеди откако во меч што траеше скоро три часа во три сета го совлада Шпанецот, Пабло Карењо Буста. Турнирот заврши и за неговиот сонародник Алберт Рамос Вињолас кој е поставен како осми фаворит откако е поразен во соочувањето со Пабло Андухар.

Третиот носител Диего Шварцман беше убедлив во соочувањето со Педро Мартинез препуштајќи му на противникот само два гема, а место меѓу осумте најдобри обезбеди и Федерико Корија по победата над Фернандо Вердаско.