Данска ги укина сите рестрикции за Ковид -19 во својата држава, вклучувајќи го и носењето на маски во продавници, ресторани и јавниот транспорт, со што е првата држава во Европската Унија, која донесе таква одлука.
Ноќните клубови се отворени, повторно може доцна навечер да се продава алкохол, додека повеќе не мора да се употребува ниту апликацијата за следење на контактите за влез во затворени простории.
Иако бројот на новозаразени со Омикрон варијантата и натаму е релативно висок, властите проценуваат дека корона вирусот повеќе не претставува “критична закана”.
Причина за ваквата проценка е високата стапка на вакцинација во земјата, каде исклучително голем број од возрасните луѓе се имунизирани со три дози од вакцините против Ковид-19.
“Добро утро на целосно отворената Данска”, напиша на Фејсбук премиерката на државата, Мете Фредериксен, заблагодарувајќи им се на граѓани кои се вакцинирале против Коронавирусот.