Спорт Фудбал

Мејсон Гринвуд останува во притвор по обвинувањата за силување и физички напад

Фудбалерот на Манчестер јунајтед, Мејсон Гринвуд вчера беше уапсен под сомнение за физички напад и силување на неговата девојка Хериет Робсон.

Англичанецот ќе остане во притвор уште некое време со цел полицијата во Манчестер да ги направи сите потребни интервјуа и да собере докази за случајот.

Робсон објави фотографии на „Инстаграм“ со раскрвавено лице и модринки по телото и го обвини Гринвуд.

Манчестер јунајтед вчера соопшти дека 20-годишниот фудбалер е суспендиран на неопределно време и не смее ниту да тренира со тимот ниту пак да игра натпревари додека не се расветли случајот. Гринвуд во 2019 година го имаше своето деби за првиот тим на „црвените ѓаволи“, а лани во февруари потпиша нов четиригодишен договор со клубот.

Ова е втор ваков голем скандал во англискиот фудбал, бидејќи фудбалерот на Манчестер сити Бенжамин Менди е обвинет за седум случаи за силување.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(Видео) Челзи во финале го чека победникот од Реал Мадрид и ПСЖ

Дејан Дејан

Кавада и Боно се нови ракометари на Вардар

Дејан Дејан

Младите ракометарки го почнуваат ЕП со фаворитот Унгарија

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе