Тајландската морнарица работи на чистење на истекување на сурова нафта од 128 тони од нафтовод во Тајландскиот залив. Протекувањето им се заканува на познатите плажи на островската држава.
Атапол Чароенчанс, генерален директор на Одделот за контрола на загадувањето во Министерството за природни ресурси и животна средина, рече дека излевањето е во близина на индустриска област, но дека дел од нафтата може да стигне до плажите во регионот ако не се исчисти најбрзо што може
Компанијата „Стар петролеум Рафининг“ соопшти дека излевањето се случило околу 21 часот по локално време во вторникот на станицата за прицврстување на околу 20 километри југоисточно од индустриската зона Мапа Та Фут јужно од Бангкок. Протекувањето било прекинато нешто по полноќ.
Заменик-адмиралот Поккронг Монтатфалин, портпарол на тајландската морнарица, во својата порака рече дека морнарицата испратила авион за набљудување, два брода и хеликоптер за да помогнат во расчистувањето. Тој рече дека хеликоптерот ќе ја пребара областа и ќе испрска хемикалија за да ја растера нафтената дамка.
