Рафаел Надал – Матео Беретини е првата полуфинална двојка на првиот Гренд слем турнир во новата сезона.
Светскиот рекет број пет по голема борба во меч што траеше четири часа и осум минути во пет сета со 6:3, 6:4, 4:6, 3:6 и 6:3 го совлада Канаѓанецот, Денис Шаповалов.
И во второто четврт-финале денеска се водеше жестока битка за влез меѓу четирите најдобри. Седмиот носител Матео Беретини исто така и покрај водството од 2:0 до пласманот во полуфиналето мораше да игра пет сета. Италијанецот за 3 часа и 49 минути забележа победа во дуелот против Гаел Монфис.
Беретини до првото полуфинале во кариерата на турнирот во Мелбурн славеше со 6:4, 6:4, 3:6, 3:6 и 6:2.
Во утрешната програма ќе се соочат Стефанос Циципас – Јаник Синер и Данил Медведев – Феликс Оже Алиасим.