Твитер објави дека ја блокирал сметката на мексиканскиот милијардер Рикардо Салинас Плиего поради навредливо однесување кон мексикански новинар.
Раководството на Твитер објави дека Салинас на неговата сметка „учествувал во вознемирувачки ситуации насочени кон едно лице“.
Минатата недела Салинас, сопственик на Banco Azteca SA, влезе во расправија со мексиканската новинарка Дениз Дресер, коментирајќи го на Твитер нејзиниот изглед, што Твитер го смета за прекршување на правилата.
Салинас на својот профил на Телеграм рече дека ќе ги користи своите профили Телеграм, Фејсбук, Инстаграм и ТикТок додека не го реши „проблемот на Твитер“.
Милијардерот и неговото семејство се рангирани на 153-то место на листата на милијардери на Форбс, со проценета нето вредност од 13,5 милијарди долари.