Вести Ковид19 Свет

„Спутник В“ вакцината ќе биде признаена во Австралија

Австралиската администрација за терапевтски производи (ТГА) и препорача на австралиската влада да ги признае вакцинациите со руската вакцина Спутник В кај странските државјани кои пристигнуваат во земјата.

„TГA посочува дека вакцината против Ковид-19 од рускиот Гама центар Гамалеја Спутник В ќе биде призната како потврда на статусот на вакцинација на патниците кои пристигнуваат“, се вели во соопштението на регулаторот објавено на неговата веб-страница.

ТГА соопшти дека руската страна му ги доставила на раководството потребните информации, „што покажува дека оваа вакцина обезбедува заштита против Ковид-19 и ја намалува веројатноста дојдовен патник да ја пренесе инфекцијата на други или да се зарази со Ковид-19 додека е во Австралија“.

„Добиените информации вклучуваат објавени податоци од истражувањето и беа доставени до ТГАод руската влада“, се вели во соопштението.

Регулаторот нагласи дека две дози на Спутник В покажале просечна ефикасност од најмалку 89 отсто против инфекција со коронавирус и 98 отсто заштита од тешка форма на Ковид-19 и смрт од компликации предизвикани од вирусот.

„Признавањето на вакцината Спутник В ќе го зголеми капацитетот на Австралија да прифаќа странски студенти и квалификувани работници мигранти. Странците кои примиле две дози од руската вакцина Спутник В сега ќе се сметаат за целосно вакцинирани и ќе можат да влезат во Австралија“, велат од ТГА.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Прекинат е инвестицискиот циклус за домашните компании, рече Битиќи (видео)

Дејан Дејан

(видео)Битиќи во Вин-Вин: Пожарникарите треба да земаат по 100.000 денари месечна плата

Дејан Дејан

(видео)Битиќи во Вин-Вин: Пругата кон Бугарија е важна затоа што североисточниот регион е шестпати посиромашен од скопскиот

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе