Марко Одермат донесе голема радост за домашната публика во Аделбоден и го прекина 14-годишниот пост на Швајцарците во овој ски-центар во рамки на Светскиот Куп во алпско скијање.
Тој денеска доминантно славеше на велеслаломската трка со вкупно време од 2:34,45 минути. За швацарскиот скијач ова беше четврта сезонска победа.
Австриецот Мануел Фелер беше втор со 48 стотинки задоцнување, додека трет беше Алексис Пантуро од Франција.
Одермат со четири победи од пет трки, очекувано лидер во велеслалом со 480 бодови, а исто така е прв и во генералниот поредок со 845 бодови, пред Алексадер Амод Килде кој има 469 бодови.
Утре во Аделбоден се вози слаломската трка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.