В понеделник во Нион ќе се одржи жрепката за првото елиминациско коло во Лига Европа и Конференциската лига. Според новите правила победниците на групите во двете натпреварувања обезбедуваат директен пласман во осминафиналето додека освојувачите на вторите и третите позиции ќе бидат дел од разигрувањето за влез меѓу шеснаесетте најдобри, а во плеј офот ќе им се приклучат и трето пласираните екипи од Лигата на шампионите.
Разигрувањето за настап во осминафиналето во двете натпреварување ќе се игра на 17 и 24 февруари.
Директен пласман во осминафиналето во Лига Европа обезбедија: Лион, Монако, Спартак Москва, Ајнтрахт Франкфурт, Баер Леверкузен, Вест Хем, Галатасарај и Црвена Звезда.
Статус на носители во плеј офот имаат: Ренџерс, Реал Сосиедад, Наполи, Олимпијакос, Бетис, Динамо Загреб, Брага и Лацио.
Додека потенцијални противници им се Лајпциг, Порто, Борусија Дортмунд, Шериф, Барселона, Аталанта, Севилја и Зенит.
Почетокот на жрепката в понеделник е закажана за 13 часот.
Во Конференциската лига директен пласман во осминафиналето обезбедија: ЛАСК, Гент, Рома, АЗ Алкмар, Феенорд, Копенхаген, Рен и Базел.
Носителски статус во жрепката за разигрувањето имаат: Макаби Тел Авив, Партизан, Бодо/Глимт, Рандерс, Славија Прага, ПАОК, Карабаг, и Витесе или Тотенхем.
Можни противници во плеј офот им се Спарта Прага, ПСВ Ајндховен, Лестер, Фенербахче, Селтик, Марсеј, Митјиланд и Рапид.
Жрепката в понеделник почнува во 14 часот.
ФОТО: Игор Паневски