Биљал Касами го исклучи Кастриот Реџепи од партијата. Касами на Фејсбук ја пренесе одлуката која стапува на сила веднаш.
„Кастриот Реџепи кој вчера не се појави во Собранието, за да го поддржи предлогот за недоверба на Владата, со што постапи спротивно на одлуката на партијата и сериозно го наруши престижот на партијата. Движењето БЕСА, односно јас како лидер на партијата, согласно статутарните норми, односно член 14 став 3 точка 3.3 од Статутот на Движењето БЕСА, го исклучувам горенаведениот член од сите партиски функции и член на Движењето БЕСА“, пишува Касами.
Кастриот Реџепи беше пратеникот поради кој не успеа иницијативата на ВМРО ДПМНЕ, за гласање недоверба на владата, на која и се приклучија Алијанса за Албанците и движењето БЕСА. На иницијативата беше потпишан Реџепи, но пред да почне собраниската седница, тој не се пиојави, поради што иницијативата го немаше потребното мнозинство и кворум за усвојување на дневниот ред. Реџепи не се појави цел ден во собранието, што предизвика бројни шпекулации во јавноста дека е киднапиран. Во полиција го пријави лидерот на БЕСА, Касами, но во истовреме Реџепи се појави на ФБ.
Во видео обраќање порача дека е на сигурно. Реџепи, во обраќањето вели дека зборува со чиста совест и се одлучил да ја одбере страната која е за ЕУ и НАТО, а не онаа со анти-албанците иако ден претходно се потпиша на инцијативата поддржна и од неговата партија во партнерство со ВМРО-ДПМНЕ, Алијанса за албанците, Алтернатива и Левица.